6 красавіка спаўняецца 115 гадоў з дня нараджэння выбітнага беларускага навукоўца, педагога і грамадскага дзеяча Барыса Кіта. Ён назаўсёды ўвайшоў у гісторыю як чалавек, які звязаў Беларусь з сусветнай касмічнай навукай.
Прафесар Антось Мірановіч, вядомы даследчык беларускай культуры, падкрэслівае:
– Барыс Кіт шмат гадоў быў звязаны з Падляшшам. Ён быў выдатным не толькі навукоўцам, а таксама прымаў удзел у падрыхтоўцы палёту касмічнага карабля Apollo на Месяц. Стаў чалавекам, якога ўсе ведалі на эміграцыі і былі захоплены яго працай. А мы пра яго амаль нічога не ведаем.
Пасля Другой сусветнай вайны Барыс Кіт эміграваў у ЗША, дзе працаваў у авіяцыйна-космічнай галіне. Ягоныя распрацоўкі выкарыстоўваліся ў праграме Apollo, якая ўпершыню даставіла чалавека на Месяц. Аднак нават у асяроддзі NASA Кіт не забываў пра беларускую мову і культуру.
Беларускае Радыё Рацыя
