11 чэрвеня споўнілася 102 гады з дня выхаду ў свет аднаго з найвялікшых твораў беларускай літаратуры — паэмы Якуба Коласа «Новая зямля». Гэты твор стаў сапраўдным эпасам народнага жыцця і да сёння застаецца адным з найболей значных культурных здабыткаў Беларусі.
Кажа літаратуразнаўца Андрэй Хадановіч:
–„Новая зямля” Якуба Коласа – адна з найвышэйшых вяршынь беларускай літаратуры. Тэкст вельмі патрэбны, своечасовы. Школа ўсведамлення сябе беларусам. Адна з першых асцярожных спроб далучэння нашай культуры да шырэйшага кантэксту, да еўрапейскага, да сусветнага.
Першыя раздзелы «Новая зямлі» з’явіліся яшчэ ў 1912 годзе на старонках газеты «Наша ніва», а цалкам твор быў завершаны і выдадзены асобнай кнігай у 1923 годзе. Паэма распавядае пра жыццё беларускай сялянскай сям’і на мяжы XIX–XX стагоддзяў, закранаючы праблемы таго часу. Многія героі твора маюць прататыпы ў рэальным жыцці — бацькі Коласа, яго дзядзька Антось, а таксама сам аўтар, які ўвасобіўся ў вобразе Кастуся.
Цалкам гутарка:
Беларускае Радыё Рацыя
Фота з адкрытых крыніц
