Беларуская літаратура пачала ачуньваць пасля крызісу, які зазнала пасля 2020 года, – так лічыць літаратуразнаўца Сяргей Кавалёў.
Сваю выснову ён зрабіў па колькасці кніг, якія разглядаюцца на літаратурнай прэміі імя Ежы Гедройця, у якой некалькі гадоў запар ён з’яўляецца сябрам журы.
-Беларуская літаратура, беларуская проза выходзіць з такога піке, у якое яна ўвайшла пасля 2020 года, калі былі многія зачынены выдавецтвы. Я быў у журы Прэміі Гедройця, напрыклад, у 2019 годзе. І нам давялося чытаць 55 кніг. А ў 2023 годзе было 13.
А ўжо ў мінулым годзе сябры журы прэміі Гедройця разглядалі 18 кніг. Сёлета чакаецца, што кніг пададуць на прэмію яшчэ больш, бо беларускія выдавецтвы, якія працуюць у Польшчы, летась актыўна выдавалі актуальную беларускую літаратуру.
Беларускае Радыё Рацыя
