12–13 красавіка ў Беластоку адбудзецца двухдзённы майстар-клас «СкачОК», прысвечаны псіхалагічнай разгрузцы праз тэатральныя тэхнікі.
Кажа адзін з вядоўцаў, акцёр і рэжысёр Васіль Калач:
– Назва «СкачОК» ад слова скочыць, каб скочыць на новы ўзровень асэнсавання. Гэта вельмі цікавы праект унясення тэатральных практык у сваё паўсядзённае жыццё ў якасці тэрапіі, у якасці падмурку, для падтрымання свайго здароўя як псіхічнага, так і фізічнага. Я адказваю за частку “Сцэнічны рух”, гэта як актор рухаецца на сцэне, а наогул можа выкарыстоўвацца ў паўсядзённым жыцці як разагрэўка, як ранішняя зарадка.
Сярод выкладчыкаў двухдзённага майстар-класа «СкачОК» у Беластоку – Настасся Суханосік, Кацярына Еўдакімава, Аляксандр Енджэеўскі, Кацярына Перулкова і сам Васіль Калач. Пасля анлайн-рэгістрацыі удзельнікам будзе высланы падрабязны план мерапрыемства.
Уваход вольны, але неабходная рэгістрацыя.
Вас чакае:
- Акцёрскія тэхнікі, якія раскрываюць натуральнасць і свабоду выказвання
- Практыкаванні на зняцце эмацыйнага напружання
- Праца з целам і голасам для ўпэўненага самавыяўлення
- Імправізацыя і сцэнічная практыка
- Атмасфера падтрымкі і натхнення
- Арт-тэрапія з мастачкай пад чароўныя гукі
Цалкам матэрыял:
Беларускае Радыё Рацыя
Фота ЦБК і з архіву В.Калача
