Беларускія гурты Atesta I Sož дадуць супольны канцэрт. Імпрэза пройдзе 20 снежня ў Варшаве ў клубе Beer Station Praga.
Чаго чакаць ад мерапрыемства, распавядае вакалістка калектыву Atesta Уля Паўловіч:
– Мы падрыхтавалі такія трохі калядныя сэты, трохі сэты з такой невялічкай прэзентацыяй, што будзе ў новым альбоме. Але гэта такі флёр новага альбому, таму гучна казаць пра гэта не будзем. І ў прынцыпе падрыхтавалі вельмі такую сяброўскую атмасферу, таму вось гэтага і будзем чакаць. Напэўна, усё як звыкла на канцэртах Atesta – нейкія такія эмоцыі, сяброўства, утульнасць. Таму гэта нельга прапускаць.
На наступны дзень пасля канцэрту ў Варшаве гурты выступяць у Лодзі ў клубе Jesteśmy.
Цалкам матэрыял слухайце ў далучаным файле:
Беларускае Радыё Рацыя
