Сустрэчы з пісьменнікамі, паседжанні літаратурнага клубу, падрыхтоўка да “Ночы расстраляных паэтаў”, канцэрты ў выкананні беларускіх гуртоў, лекцыя на тэму Курапатаў, сумесныя малітвы. Усе гэтыя мерапрыемствы аб’ядналі за апошні час некалькі дзясяткаў беларусаў – сталых наведвальнікаў імпрэзаў на Любліншчыне, – распавёў актывіст Люблінскай дыяспары Юрась Загорскі:
– У прынцыпе, мне ўсё цікава. Больш, напэўна, культурныя рэчы, таму што хочацца схадзіць куды-небудзь, правесці час, пабачыць сяброў беларусаў. Напрыклад, да нас прыязджаюць у Люблін з канцэртамі беларускія гурты, былі NaviBand, зноў чакаем у лістападзе. І іншыя гурты. Выступ нядаўна быў АйЦі Барады, гэта такі спікер і блогер, ён па-беларуску папулярызуе інфармацыйныя тэхналогіі.
Юрась Загорскі дадаў, што таксама ў Любліне адбываецца чытанне Бібліі па-беларуску, тут дзейнічае біблійны клуб “Радзівіл” (Swiętokrzyska 19a, царква “Божае святло”).
“Мы разглядаем гістарычны кантэкст, задаем пытанні да тэксту і шукаем адказы ў цудоўнай кампаніі беларускіх інтэлектуалаў,” – гавораць арганізатары.
Адрас: Krakowskie Przedmieście 39b, 20-002 Lublin
Цалкам матэрыял:
Беларускае Радыё Рацыя
