У нядзелю ў беластоцкім хабе “Новая зямля” традыцыйна прайшоў вечар беларускіх танцаў. Удзельнікам не толькі распавялі пра “Лявоніху”, “Гапак” ды “Кракавяк”, але і навучылі іх танцаваць.
Арганізатар і дудар Мікалай Дашыневіч распавёў пра традыцыйныя беларускія танцы:
– У асноўным мы вывучаем беларускія побытавыя танцы па кнігах, якія былі запісаныя фалькларыстамі. Мы самі вучыліся ў Менску, менавіта я прыехаў з Менску, якія я ведаю, такія я і паказваю. Асноўнае, сёння напрыклад, у нас была “Полька Бабачка”, “Кракавяк”. У асноўным гэта вальсы, полькі, якія танчылі сяляне, нашыя продкі.
Трапіць на вечарыну і навучыцца традыцыйным беларускім танцам можна два разы на месяц. Мерапрыемства ладзіцца ў нядзелю.
Беларускае Радыё Рацыя
