Музыка, мастацтва, кіно і гісторыя — усё гэта ў праграме святкавання 50-годдзя Беластоцкага асяродка культуры (ВОК).
Прэзідэнт Беластока Тадэвуш Трускаляскі падчас прэс-канферэнцыі запрасіў усіх гараджан і гасцей на святочны канцэрт, які адбудзецца 8 жніўня ў цэнтры горада. У ім возьмуць удзел вядомыя выканаўцы, звязаныя з Беластокам і BОКам:
-Кульмінацыяй гэтых урачыстасцяў стане канцэрт на рынку Касцюшкі, які адбудзецца ў пятніцу 8 жніўня а 20-й гадзіне.
На сцэне выступяць Kaja, Януш Ласкоўскі, Karolina Cicha, Jarmo ды іншыя. Музычны склад прадставіць кампазітар Марэк Кубік разам з Qubik Orchestrą. Культурныя падзеі працягнуцца ў Цэнтры імя Людвіка Заменгофа.
Дырэктар BОК Мартына Фаўстына Занеўска адзначыла, што ўстанова — гэта не проста будынак, а жывы арганізм, «культурнае сэрца горада»:
-Беластоцкі асяродак культуры – гэта месца, якое выхавала шмат удзельнікаў культурнага жыцця нашага горада.
У суботу 9-га жніўня наведвальнікі змогуць убачыць выставы, паўдзельнічаць у дзіцячых занятках, а таксама паслухаць радыёрэпартаж пра гісторыю BОК і паглядзець фільм «Perfect Days» Віма Вендэрса. Усе падзеі — бясплатныя.
Праграма тут: https://bok.bialystok.pl/wydarzenie/50-lat-bialostockiego-osrodka-kultury/.
Цалкам матэрыял:
Беларускае Радыё Рацыя
