Выйшаў з друку чарговы — сямнаццаты — нумар альманаха літаратараў Берасцейшчыны “Жырандоля” (2025), паведамляе bellit.info. Нумар прысвечаны 80-годдзю Перамогі над фашысцка-нямецкімі захопнікамі і знаёміць як з тэкстамі аўтараў-франтавікоў, так і з новымі публікацыямі берасцейскіх творцаў.
Рубрыка “Паэзія” прадстаўлена вершамі Мікалая Аляксандрава, Аляксея Белага, Уладзіміра Глазава, Вольгі Грыдзюшка, Васіля Дэбіша, Генадзя Мішчука, Наталлі Несцярук, Аляксандра Рызо і Васіля Ярмашука.
У “Прозе” змешчаны тэксты Міколы Ільючыка, Ірыны Курапавай, Паўла Ляхновіча, Генадзя Мішчука, Ігара Сідарука, Міколы Сянкевіча, Івана Трысценя, Людмілы Хмялеўскай.
У рубрыцы “Памяць” — творы і згадкі пра Яніну Грыгаровіч, Сцяпана Крываля, Івана Лагвіновіча, Аляксея Ганчука.
Не пакінуць абыякавымі чытачоў і раздзелы “Рэха Пеамогі”, “Юбіляры”, “Для дзетак-малалетак”, “Усміхнемся”, “Краязнаўства”, і “Нашы новыя выданні”.
