“Без рэтушы” з Аляксандрам Ждановічам – у Вільні прайшоў закрыты перадпрэм’ерны паказ новых фільмаў праекта. Імпрэза адбылася 18 лістапада ў прасторы “Разам” у рамках сайд-івэнту канфэрэнцыі BIM.
У новым фармаце трэцяга сезону праекта “Без рэтушы”, які Аляксандр Ждановіч (Маляваныч) завяршыў сумесна з камандай Malanka Media, расказваецца пра беларусаў, якія жывуць у розных краінах свету і захоўваюць сувязь са сваёй радзімай.
Кажа Аляксандр Ждановіч:
– Такая серыя дакументальных фільмаў, дзе вядоўца-герой, то бок “Маляваныч”, якога шмат беларусаў ведае, вандруе па розных краінах, сустракаецца там з беларусамі, якія там жывуць, а яны паўсюль жывуць, аказваецца. І іх вачыма мы раскрываем краіну, дзе яны жывуць і бачыць іх жыццёвую канкрэтную гісторыю, іх нейкі досвед.
Прэм’ера была пра беларусаў Швецыі, “Маляваныч” праехаў яе і быў на прэзентацыі разам з лялькай – Пэпі Доўгая Панчоха. Ён расказвае, як з’явіўся гэты персанаж:
– Яна з’явілася выпадкова. У мяне было некалькі вольных гадзінаў, і я пайшоў па Стакгольму, і проста ногі мяне правялі ў нейкі магазін старых рэчаў. І я гляджу там з нейкай скрынкі глядзіць на мяне гэтая дзяўчынка з ружовымі касічкамі, якую я люблю. І ўсё – я сказаў, што гэта мая лялька, адмыў яе ўжо ў Варшаве. А там па Швецыі яна вандравала
Закрытая прэм’ера праекта “Без рэтушы” адбылася ў Вільні, а астатнія гледачы змогуць убачыць прэм’еру 23 лістапада ў 19.00 па менскім часе на YouTube-канале Malanka Action і стрымінгавай платформе Belarus Tomorrow.
Цалкам матэрыял:
Беларускае Радыё Рацыя
