18 кастрычніка ў Беластоку адбудзецца сустрэча з беларускім журналістам і публіцыстам Аляксандрам Чарнухам, вядомым таксама як «міністр сепультуры».
Падчас сустрэчы аўтар распавядзе пра свае апошнія праекты, развагі пра сучасную Беларусь і ролю іроніі ў час крызісу.
-Еду са сваёй кнігай “Гвалт”. Я з ёй ужо вандраваў шмат па розных краінах і гарадах, але да Беластоку яшчэ не даязджаў. Таму буду распавядаць пра яе, чытаць апавяданні з кнігі, будзем абмяркоўваць яе.
Па словах Аляксандра, ён таксама прадставіць і зусім новы праект:
-Мой новы праект на Ютубе – гэта сапраўды даволі складаная шматхадовачка. Праз гэты праект хочацца паказаць, што Беларсь – гэта не пра геаграфічныя межы, яна там, дзе мы, адбываецца. І не важна, дзе мы зараз знаходзімся. Мы ўсе беларусы і маем права глядзець сваё, слухаць сваё, размаўляць са сваімі. Таму мы прыдумалі такую серыю анлайн-канцэртаў беларускіх музыкантаў.
Сустрэча з Аляксандрам Чарнухам адбудзецца ў хабе “Новая Зямля” 18 кастрычніка а 18-й гадзіне.
Беларускае Радыё Рацыя
Фота з архіва Аляксандра Чарнухі
