31 кастрычника ў музеі “Замкавы комплекс “Мір” адбылося ўрачыстае адкрыццё ўнікальнай часовай экспазіцыі “Час гуляць! Забавы мінулых стагоддзяў», паведамляецца на тг-канале ўстановы.
Выстава цалкам прысвечана гісторыі гульняў. У экспазіцыі прадстаўлены шахматныя сталы, настольныя гульні, прыналежнасці да іх і іншыя забавы – больш за 100 арыгінальных прадметаў другой паловы XVIII — першай чвэрці ХХ стст. Сярод экспанатаў – не толькі класічныя шахматы і шашкі, але і забытыя сёння гульні «Асада», «Хальма», «Сальта». Інтэрактыўны складнік экспазіцыі – “Салон гістарычных гульняў” – дазволіць гасцям не толькі ўбачыць, але і апрабаваць старадаўнія забаўкі.
Гэты праект наглядна дэманструе сувязь паміж пакаленнямі, паказваючы, як на працягу стагоддзяў людзі бавілі час разам, якія тэмы іх хвалявалі і якія навыкі яны развівалі праз гульню.
Выставу можна наведаць да 31 жніўня 2026 года.
Фота: t.me/mirzamak
