Інстытут сацыялогіі Нацыянальнай акадэміі навук штогод вывучае перавагі чытачоў насельніцтва краіны. Летась апытанне ладзілася двойчы – напачатку і напрыканцы 2023 года. Выявілася, што толькі крыху больш за 30% чытаюць кнігі рэгулярна, гэта значыць нелькі разоў на тыдзень. Каля 13% чытаюць у тым ліку на роднай мове.
З нагоды мы пацікавіліся ў грамадзян, як часта яны праводзяць час за чытаннем:
-Чытала раней, цяпер не. Зараз такі перыяд, што мне няма калі.
-Любіць то люблю, але вочкі ўжо не тыя, ды і часу няма. Шчыра скажу, нават забыўся, калі адкрываў кнігу.
-Вельмі люблю чытаць кнігі.
-Мастацкую літаратуру не вельмі люблю. Больш гістарычную.
-Дапамагае абстрагавацца ад гэтага шэрага свету.
-Канешне люблю, але рэдка чытаю. Але хачу сказаць, што вельмі шмат чытала ў школе. Мы былі прывучаныя.
У Інстытуце сацыялогіі ўпэўненыя, што калі траціна насельніцтва рэгулярна чытае кнігі, то ў свеце развіцця сучасных тэхналогій гэта не кепска. Таму зрабілі выснову, што ў цэлым чытанне займае значную частку паўсядзённага вольнага часу беларусаў.
Беларускае Радыё Рацыя
