Новую кнігу прозы Барыса Пятровіча, што неўзабаве выйдзе ў выдвецтве “Камунікат”, склалі дзве аповесці і эсэ.
Гэта захапляльнае падарожжа па пазнавальных краявідах Менска ды іншых гарадоў і мястэчак Беларусі, а таксама знаёмства з неардынарнымі асобамі, якія сталі героямі твораў.
У першай аповесці “наіўны дэтэктыў” расследуе таямнічую смерць бабулі-суседкі, у другой – журналіст-спецкар распавядае пра свае прыгоды падчас камандзіровак па Беларусі. Эсэ прысвечана падзеям першага постчарнобыльскага месяца на гомельскім Палессі.
Кніга з’явіцца ў продажы ў другой палове красавіка, паведамляе kamunikat.org.
