Арганізацыя навуковых стажыровак для беларускіх навукоўцаў, правядзенне чытацкага клубу, сходы спеўнага клуба, адзначэнне беларускіх святаў, пашырэнне экспазіцыі. Такімі накірункамі дзейнасці цяпер займаецца Беларуская бібліятэка і музей імя Францішка Скарыны ў Лондане, адзначыў сябра рады апекуноў Павал Батлейшчык:
– Прыярытэтным застаецца будаўніцтва нашага новага музею, мы атрымалі фінасаванне на новы Музей і цяпер яго разбудоўваем. Гэта будзе дадатковае памяшканне ў “Скарынаўцы”, дзе размесціцца наш гістарычны музей – гэта будзе Музей беларускага адраджэння. Там, дзе быў стары музей, які нашмат меншы, там зробім мастацкі фатаграфічны музей.
Беларуская бібліятэка і музей імя Францішка Скарыны – гэта грамадска-культурны асяродак у Вялікабрытаніі. Ён мае статус “незалежнай навукова-харытатыўнай установы”. Заснавана ў 1971 годзе.
Беларускае Радыё Рацыя
