Другі раз у Варшаве адбыўся Полацкі фэст. Яго ладзяць палачане, якія знаходзяцца ў эміграцыі. Гучалі вершы, песні і ўспаміны. Полацкія навуковыя даследчыкі расказвалі цікавыя факты з гісторыі роднага горада.
Кажа гісторык, адзін з ініцыятараў правядзення фэсту, Уладзімір Лобач:
– Полацк для нас не пусты гук – гэта вельмі дарагі горад. Гэта горад-сімвал, які яднае нас незалежна ад таго, дзе мы знаходзімся сёння. Я мяркую, што калі агулам, напэўна больш за 100 актыўных палачанаў ёсць. На жаль, не кожны можа менавіта ў гэты дзень прысутнічаць, але душой яны ўсе з намі.
Полацкі фэст адбываецца на беразе Віслы. Сёлета ў ім бралі ўдзел 25 палачанаў, якія з’ехаліся з розных гарадоў Польшчы.
Беларускае Радыё Рацыя
