У ваяводстве распачалося галасавання за «Падляшскую спажывецкую марку», якое працягнецца да канца сакавіка. Конкурс «Падляшская марка» – найстарэйшы ў рэгіёне, накіраваны на прасоўванне найбольш цікавых ініцыятыў, падзей і прадпрыемстваў.
Маршалак Падляшскага ваяводства Лукаш Пракорым пракаментаваў намінацыю дуэта Sw@da x Niczos у катэгорыі “Культура” на прэмію:
– Думаю, што Sw@da x Niczos, нягледзячы на тое, ці атрымаюць, ці не «Падляшскую марку» в конкурсе, то яны ўжо Падляшская марка. Другое месца ў нашым польскім конкурсе Еўрабачання паказвае іх сілу. І што важна, фінал «Падляшскай маркі» будзе адбывацца ў тым самым часе, што і Еўрабачанне, то можна пажартаваць, што нашыя артысты абралі «Падляшскую марку», а не Еўрабачанне.
Кожны жыхар рэгіёну можа прыняць удзел у бясплатным галасаванні, запоўніўшы форму на афіцыйным сайце конкурсу. Фінальная гала-цырымонія адбудзецца 15 мая ў Падляшскай оперы і філармоніі. Пераможцы атрымаюць наноў распрацаваныя статуэткі “Падляшская марка”, выканана ў форме ваяводства са шкла і дрэва.
Аддаць свой голас можа кожны жыхар ваяводства на сайце Podlaska Marka.
Strona główna – Podlaska Marka
Цалкам матэрыял:
Беларускае Радыё Рацыя
