Беларускі графічны дызайнер Дзмітрый Анісімаў зладзіў у варшаўскім раёне Жалібож акцыю, падчас якой прэзентаваў уласныя працы – плакаты ў фармаце А3.
“Каб не пакідаць іх пыліцца на паліцы, я хацеў іх раздаць бясплатна”, – распавядае творца:
– У цэлым каля 15-ці прац, нейкія паўтараюцца, нейкія не. На розную тэматыку. Некаторыя звязаныя з маім дзяцінствам, з нейкімі эмацыйнымі перажываннямі, анімэ. Плюс ёсць нейкія рэзануючыя сітуацыі ў грамадстве, пытанні. Напрыклад, забарона абортаў у Польшчы, з нагоды пратэстаў у Беларусі, з нагоды ўварвання ў Ізраіль.
Акцыя адбылася ў кавярні. Цяпер мастак не выключае, што падобнае мерапрыемства можа паўтарыцца ў лютым.
Беларускае Радыё Рацыя
