У нядзелю, 23 лютага, таварыства беларускай культуры «Сьвітанак» (вул. Слокас, 37) ладзіць у Рызе імпрэзу да Дня роднай мовы. Пачатак 13.00.
Запланаваная дыктоўка на роднай мове. Сёлета гэта будзе ўрывак з твора Рыгора Барадуліна.
Тых, хто найлепш напіша дыктоўку па-беларуску, чакаюць прызы.
Адбудзецца таксама прэзентацыя, прысвечаная магчымасцям паступлення беларусаў ў амерыканскія ўніверсітэты, з удзелам госця з Вільні.
Віктар Хоцім, які мае 25-гадовы досвед у сферы адукацыі ў ЗША, раскажа, як правільна шукаць праграмы і фінансаванне, а таксама падзеліцца паспяховымі гісторыямі студэнтаў.
Адзін з удзельнікаў атрымае бясплатны код на праходжанне тэсту на веданне англійскай мовы VTEST.
Уваход вольны.
Арганізатары
