Адзначэнне Дзядоў і наведванне французскіх могілкаў, дзе ёсць магілы ці помнікі беларускім дзеячам, правядзенне літаратурнай імпрэзы пад назвай “Ноч (не)расстраляных паэтаў” ды ўдзел у візіце Святланы Ціханоўскай. Гэта самыя важныя падзеі за апошні месяц для беларусаў Францыі, — распавёў адзін з лідараў беларускай дыяспары ў Францыі Дзяніс Кандакоў:
– За апошні час шмат адбылося падзей. І шмат было значных дат, якія былі агульнацікавыя для ўсіх беларусаў ва ўсім свеце. Гэта і «Ноч (не)расстраляных паэтаў», якая прайшла ва ўсім свеце і шмат у якіх краінах Еўропы. І ў Амерыцы адзначалася гэтая дата. Беларусы Францыі таксама яе адзначылі. Прынамсі ў Парыжы збіраліся ў царкве і там чыталі вершы паэтаў, дарэчы і сучасных паэтаў, не толькі тых паэтаў, якія загінулі ў 1937 годзе. І такія паралелі праводзілі паміж сучаснай сітуацыяй і тым, што адбывалася ў 20-м стагоддзі. Гэта была такая ў нас значная падзея.
Затым былі Дзяды, і мы працягнулі гэтую тэму, хадзілі на могілкі Пер-Лашэз, дзе ляжаць не так ужо і мала нараджэнцаў Беларусі. Прынамсі мы зайшлі да трох, гэта – Валерый Урублеўскі, палкоўнік паўстання 1863 года, які потым стаў генералам Парыжскай камуны. І далей зайшлі да Міколы Абрамчыка, колішняга прэзідэнта Рады БНР, і да ягонай жонкі Ніны.
Цалкам размова:
Знайсці абвесткі бліжэйшых мерапрыемстваў можна, напрыклад, праз суполку ў фэйсбук Беларусы Францыi/Belarus en France.
Беларускае Радыё Рацыя
Фота з Фэйсбука Дзяніса Кандакова.
