У пятніцу, 7 чэрвеня, у Вільні адбудзецца фэст «Культура ў выгнанні», які ладзіць Інстытут імя Гётэ ў межах Віленскай ночы культуры.
У праграме: Калектыўныя музычныя практыкі
Аматарскі вакальна-інструментальны ансамбль «Гоман» выканае некалькі песень, у тым ліку гімн пратэсту «Магутны божа», жаночую песню салідарнасці «Зязюля», песню салідарнасці «Пагоня».
Вы зможаце пачуць вядомыя беларускія песні ў харавых апрацоўках, якія прагучаць як акапэльна так і разам з беларускімі інструменталістамі Вільні
У фармаце караоке слухачоў запрашаюць да ўдзелу ў тым, каб прастора загучала песнямі, важнымі ў змаганні за дэмакратычную Беларусь.
Дата: 7 чэрвеня. Час: з 19:00 да 19:30 (час мясцовы). Месца: пр. Гедыміна, 28, Вільня.
Жаночыя чытанні
Літаратурная ініцыятыва audiobooks.by праводзіць пасяджэнне кніжнага клуба, прысвечанае моцным дысідэнцкім жаночым галасам у сучаснай беларускай літаратуры.
На працягу дзвюх гадзін гледачам прапануюць пазнаёміцца з рознымі аўтарамі, абмеркаваць іх тэмы, а таксама паслухаць і пачытаць разам.
Дата: 7 чэрвеня. Час: з 20:00 да 22:00 (час мясцовы). Месца: пр. Гедыміна, 5, Вільня.
Горад, прырода і лячэбныя практыкі
Менская урбаністычная платформа ў Вільні ладзіць міждысцыплінарную сесію, якая спалучае вывучэнне раслін у гарадской прасторы з рынкам абмену раслінамі, апавяданнем і стварэннем сетак.
Прыходзьце даведацца пра не заўсёды відавочны патэнцыял гарадскога садаводства для грамадскай салідарнасці, каштоўнасць і ўплыў гарадскіх раслін на псіхічнае здароўе жыхароў горада.
Дата: 7 чэрвеня. Час: з 20:00 да 01:00 (час мясцовы). Месца: пр. Гедыміна, 28, Вільня.
Калектыўныя танцавальныя практыкі
Клуб сацыяльных еўрапейскіх танцаў «Валошка» ладзіць майстар-клас па шасці розных традыцыйных танцах, каб падтрымаць сувязь паміж беларусамі, якія знаходзяцца ў вымушанай эміграцыі, а таксама запрасіць гледачоў адчуць агульную спадчыну і значэнне традыцыйнага танца ў Беларусі і Літве.
Дата: 7 чэрвеня. Час: з 23:00 да 00:00 (час мясцовы). Месца: Замак, пр. Гедыміна, 5, Вільня.
Уваход усюды вольны.
Арганізатары
