Фестываль беларускіх фільмаў «Бульбамуві» сёлета прапускае сваю 11-ю эдыцыю. Гэта пацвердзіў Reform.news заснавальнік і кіраўнік кінафорума Януш Гаўрылюк.
Прычыны, па якіх фэст беларускага кіно сёлета ўзяў паўзу, кінематаграфіст абяцаў патлумачыць пазней, дадаўшы, што «час зноў увайсці ў партызанскую пазіцыю».
Летась фестываль ладзіўся ў кінатэатры «Ілюзіён» у Варшаве.
«Бульбамуві» — гэта незалежны фестываль беларускіх кіна- і відэафільмаў, заснаваны ў 2011 годзе як альтэрнатыўная пляцоўка дзяржаўным кінафорумам.
