Філіял Веткаўскага музея (Гомель) 30 лістапада ладзіць Вясельную вечарыну. Традыцыйнае беларускае вяселле — гэта цэлы комплекс самых розных абрадавых дзеянняў, кожнае з каторых суправаджалася спевамі.
Удзельнікам свята пакажуць, якім было сапраўднае беларускае вяселле: торг за нявесту, “дзяльба каравая”, упрыгожванне елкі, вясельныя песні і танцы пад гармонік, вясельнае застолле…
Багата цікавых момантаў, звязаных з традыцыйным беларускім вяселлем, можна будзе пабачыць на этна-вечарыне.
Колькасць месцаў абмежаваная. Абавязковы запіс праз сацыяльныя сеткі.
Пачатак мерапрыемства а 16:00.
Кошт удзелу — 7 BYN (бясплатна толькі для дзяцей да 6 год, ад 6 і больш – таксама 7 BYN)
Месца правядзення: філіял Веткаўскага музея, г. Гомель, плошча Леніна, 4а (у парку, за саборам Пятра і Паўла).
