У аўторак, 20 лютага, фонд TUTAKA запрашае на ўрачысты фінал ІІІ Міжнароднага Дэкламатарскага конкурсу да Дня роднай мовы.
Дата: 20 лютага. Час: 17.00 (час мясцовы). Месца: кавярня Беластоцкага тэатра лялек, вул. Каліноўскага, 1, Беласток.
Сярод імпрэз — «Беларускія казкі на стужках» ад праекта «Дыяфільм live»: паказ дыяфільмаў паводле казак сучасных беларускіх літаратараў, з жывой музыкай, у аўтарскай інтэрпрэтацыі і агучцы.
Таксама ў праграме:
конкурсная частка: артыстычныя дэкламацыі твораў на беларускай мове ад фіналістаў Конкурсу;
мора любові да роднага слова.
У склад журы сёлета ўвайшлі:
Міра Лукша — даўняя сяброўка Конкурсу, журналістка Тыднёвіка беларусаў у Польшчы «Ніва»;
Наста Кудасава — паэтка;
Андрэй Саўчанка — актор, рэжысёр, кіраўнік Тутэйшага тэатра;
Магдалена Таранта — акторка Вроцлаўскага сучаснага тэатра.
У фінале прымуць удзел 26 канкурсантаў, папярэдне вылучаных журы.
Уваход вольны!
Арганізатары
