У пятніцу, 30 жніўня, у Музеі Вольнай Беларусі адбудзецца фінісаж выставы «Ales Pushkin. AFTERLIFE».
Дата: 30 жніўня. Час: 19:00. Месца: Музей Вольнай Беларусі, Foksal 11, Варшава.
У рамках закрыцця адбудзецца дыскусія «Art Afterlife», у якой бяруць удзел культурніцкія дзеячы і дзяячкі:
Андрэй Дурэйка (анлайн) — куратар выставы, мастак;
Аляксей Кузьміч — мастак-акцыяніст;
Піт Паўлаў — музыка гурта N.R.M., сябра Алеся Пушкіна;
Вольга Архіпава — мастацтвазнаўца, культуралагіня, куратарка, даследчыца сучаснага беларускага мастацтва;
Наталля Задзяркоўская — кіраўніца Музея Вольнай Беларусі;
Лера Лазук (анлайн) — мастачка, калега і сяброўка Алеся Пушкіна, якая не так даўно прадстаўляла яго апошнія малюнкі з турмы на выставе ў Вільні.
Мадэратар — Сяргей Будкін, кіраўнік Беларускай Рады культуры.
Падчас фінісажу адбудзецца прэм’ера перформанса «Партрэт № 1» тэатральнай ініцыятывы «Дзея другая».
Аўтары — Канстанцін Мужаў, Ілля Семашкевіч і Даніла Ганчароў.
Уваход вольны.
Арганізатары
