Ініцыятыва «Maldzis» набыла ў Польшчы рэдкі асобнік карты Беларусі 1919 года, стваральнікам якой лічыцца Аркадзь Смоліч — дзеяч нацыянальна-дзяржаўнага адраджэння і першы прафесар геаграфіі ў БССР. Гэта першая беларускамоўная карта Беларусі, дзе пазначаныя этнічныя межы пражывання беларусаў.
Кажа прадстаўнік ініцыятывы «Maldzis» Павел Мацукевіч:
-Сапраўды, выключная карта, вельмі рэдкая. З самых найкаштоўнейшых у гістарычным сэнсе артэфактаў нашай калекцыі. Першая, сапраўды першая беларускамоўная карта Беларусі. Па-другое, на гэтай карце вы бачыце Беларусь у такіх межах, у якіх больш, хутчэй за ўсё, яе не пабачыць, у этнічных межах.
За савецкім часам мапа была забароненая, бо паказвала Беларусь як незалежную дзяржаву. Да сённяшняга дня вядома толькі некалькі захаваных асобнікаў. У будучыні арыгінал карты Смоліча будзе перададзены Клічаўскаму краязнаўчаму музею ў якасці грамадскага падарунка.
Карту можна набыць на сайце выдавецтва Gutenberg у рамцы альбо з драўляным падвесам.
Цалкам матэрыял:
Беларускае Радыё Рацыя
Фота Аліны Мазавец
