Сёння, 14 чэрвеня, спаўняецца 125 гадоў з дня нараджэння аднаго з найвядомейшых беларускіх тэнараў — Міхася Забэйды-Суміцкага.
Асаблівае месца ў яго творчасці займала беларуская народная песня, якую ён выконваў на самых прэстыжных сцэнах — ад Ленінграда да Парыжа. А падчас гастроляў у Заходняй Беларусі не раз выступаў і ў Беластоку.
Кажа супрацоўнік Цэнтра беларускай культуры ў Беластоку Аляксей Трубкін:
– Калі казаць пра Забэйду-Суміцкага і Беласток, то гэта перадусім тэатр «Палас», дзе ён выступіў у міжваенны перыяд. Забэйда-Суміцкі не раз быў у Беластоку. Падчас нямецкай акупацыі ладзіліся яго выступы. Пасля вайны ён прыязджаў, сустракалі яго ўжо сябры Беларускага грамадска-культурніцкага таварыства. Калі казаць пра оперную культуру, то Забэйда-Суміцкі наша ўсё.
Падчас Другой сусветнай вайны Забэйда двойчы наведваў Беларусь. Усе ганарары з тых канцэртаў ён перадаваў партызанам на лекі. У гонар спевака названая вуліца ў Маладэчне — горадзе, дзе ён вучыўся ў настаўніцкай семінарыі.
Цалкам матэрыял:
Беларускае Радыё Рацыя
Фота аўтара і з адкрытых крыніц.
