Беларускі гурт PyLai плануе напісаць кампазіцыю ў падтрымку эмігрантаў.
Пра гэта распавёў удзельнік калектыву Рыгор Лайкоў. Ён дадаў: “У такі няпросты час хочацца дапамагаць беларусам”.
– Калі быў першы канцэрт у Вільні, мы былі трохі сціплыя, трохі заціснутыя, але потым Беласток – і тут мы ўжо выбухнулі на поўную моц. І мне падаецца, што слухач гэта адсочваў і падкрэсліваў.
РР: У вас на канцэрце ў Варшаве было шмат знаёмых?
– Канешне, былі знаёмыя з розных перыядаў майго жыцця.
Нагадаем, нядаўна гурт PyLai, удзельнікі якога цяпер жывуць у Грузіі і Літве, зладзіў невялікі еўрапейскі тур. Канцэрты адбыліся ў Варшаве, Беластоку і Вільні.
У 2020-м годзе падчас беларускіх пратэстаў артысты выпусцілі кампазіцыю, прысвечаную жаночым маршам, “Женщины не гуляют”.
Цалкам матэрыял слухайце ў далучаным файле:
Беларускае Радыё Рацыя
