У гайнаўскім Музеі і асяродку беларускай культуры на сцэне Мазаікарні прайшоў чарговы канцэрт старэйшага беларуска-польскага рок-фестывалю «Музыка без засцярог».
Адметнасцю гэтага канцэрта стала тое, што на яго сцэну выйшаў гурт RIMA з Гарадку, які адкрываў самы першы фестываль у 2004 годзе. Гавораць – дырэктар Беларускага музея і асяродку культуры ў Гайнаўцы і арганізатар фестваля Томаш Ціханюк і самыя рок-музыкі:
– Першы гурт, якія я запрасіў, – гэта быў гурт RIMA. Быў кастрычнік 2004 года. Я вельмі моцна хацеў каб такія беларускія рок-канцэрты адбываліся і ў музеі. А чаму і не? Такім чынам гурт RIMA быў першым гуртам, які распачаў наш цыкл «Музыка без засцярог».
Андрэй Паплаўскі: Мы сустракаемся раз на 25 гадоў, розніца ў тым, што гурт ILO&friends існуе, а RIMA ужо не існуе, але збіраецца, каб зайграць нейкі канцэрт, думаю, хаця б для таго, каб сустракацца, існаванне гурта RIMA на нейкі час мае сэнс.
Ілона Карпюк: Мы ўсе музыкі перасякаліся ў гэтых гуртах. Шмат часу праводзілі разам у Гарадоцкім доме культуры.
Андрэй Паплаўскі: Мы проста сябравалі, і пры гэтым яшчэ была музыка.
Акрамя ўжо вышэй узгаданых гуртоў RIMA з Гарадку і ILO&FRIENDS з Беластоку, у Гайнаўцы зайгралі таксама такія гурты як – CIĘŻKA RĘKA CHIRURGA і BŁĘKITNY NOSOROŻEC з Гайнаўкі і PODWÓRKOWI CHULIGANI з Плоцку.
Цалкам матэрыял:
Юрась Дзяшук, Беларускае Радыё Рацыя
