Беларускі сямейны фальклорны гурт “Світанак” рыхтуецца да выступу ў польскім Закапаным.
Прыняць удзел у вандроўцы плануе каля 70 працэнтаў калектыву, паколькі ўсе жывуць у розных гарадах ды краінах. А большасць рэпетыцый па-ранейшаму адбываецца анлайн, распавяла кіраўнік Марына Струнеўская:
– Калектыў працуе ў культурна-выхаваўчай галіне, на падмурку этна-педагогікі. Мы ў гэтым кірунку рушымся, ідзём па гадавым цыкле беларускіх традыцыйных святаў. Зараз надыходзяць Каляды, рыхтуем Каляды. У мінулым годзе ў нас была цудоўная вандроўка. Мы збіраемся паехаць у Закапанэ на міжнародны фестываль “Зімовая казка ў Татрах”.
Сямейны беларускі фальклорны гурт “Світанак” месціцца ў Вільні. Заняткі адбываюцца як з дзеткамі, так і з дарослымі.
Беларускае Радыё Рацыя
Фота: facebook.com/gurtsvitanak
