“Мы – не панаехаўшыя, мы прыехалі… Прыехалі, каб нешта рабіць, прыехалі, каб аб’ядноўваць беларусаў”.
Кажа гарадзенскі акцёр, рэжысёр, эмігрант, Аляксандр Енджыеўскі, які разам з яшчэ дзвюма асобамі стварыў у Беластоку тэатр “Pryehali” і працягвае займацца любімай справай:
– Мы зрабілі наш першы спектакль па апавяданнях Вольгі Гапіевай – «Сумны суп». Гэты спектакль атрымаўся вельмі добрым, ён такі сямейны. Мы з ім выступалі ў Беластоку, у Варшаве, у Кракаве і ў Вроцлаве. Цяпер плануем паехаць далей. Таксама зараз мы працуем над новым спектаклем, які паставілі ў Гародні – гэта «Ванільнае марозіва з лімонам». Гэты спектакль ужо будзе для дарослых. Плануем, але не хапае толькі часу і сродкаў.
Сачыць за дзейнасцю і паказамі тэатра “Pryehali” можна праз Istagram. Тэатр, акрамя Аляксандра Енджыеўскага, ствараюць таксама: Кацярына Еўдакімава як галоўны мастак і акцёрка Настасся Суханосік.
Беларускае Радыё Рацыя
