Беластоцкі калектыў «Сувенір», якім кіруе спявак і аўтар Янка Хоха, актыўна выступае на сцэнах Падляшша з аўтарскімі песнямі на беларускай мове.
Музыку і тэксты да ўсіх песень стварае сам Янка — ураджэнец Тыльвіцы ў гміне Міхалова:
– Цяпер ужо «Белага сну» няма, «Альбаросікі» няма. Цяпер ужо працуем з «Сувенірам». Я пішу для гурта «Сувенір» песні з былой вакалісткай калектыву гурта «Белы сон» Мартай Драль. Мы сустракаемся, мы спяваем. Мы хочам найграць плыту, бо ў нас ёсць матэрыялу на дзве плыты. Заўжды няма часу.
Янка Хоха вядомы таксама як саліст гурта «Bieły Son», які ў 1990-я выступаў на «Басовішчы» і запісаў альбом на словы Ларысы Геніюш, Янкі Купалы, Віктара Шведа і Віктара Стахвюка. Сёння Янка Хоха працягвае традыцыю — у новым калектыве і з новым гукам.
Цалкам размова:
Беларускае Радыё Рацыя
