У беластоцкай галерэі «Маршанд» працягвае працу выстава «Па другі бок люстэрка». Назва выставы адсылае да сімвалічнай прасторы, у якой глядач сутыкаецца не толькі з творамі мастацтва, але і са сваімі ўласнымі эмоцыямі, успамінамі і жаданнямі.
Пра планы галерэі «Маршанд» на новы год кажа яе кіраўнік Януш Жабюк:
– «Маршанд» – гэта такое месца, якое па-за пакаленнямі, па-за нейкім афіцыйным статусам, гэта група людзей, якія разам ствараюць мастацкую галерэю. Увесь час мы ў пошуку, увесь час даём магчымасць паказаць сваю творчасць іншым. Ну і будзем далей развівацца, ладзіць новыя выставы, праводзіць цыклічныя выставы.
А выставу «Па другі бок люстэрка» можна пабачыць па 17 студзеня ў мастацкай галерэі «Маршанд», што па вуліцы Кіліньскага,12 у Беластоку.
Беларускае Радыё Рацыя
