У Варшаве з 22 па 24 лістапада пройдзе фестываль беларускага кіно BULBAMOVIE.
“Сёлета падзея будзе прысвечаная адразу тром гадавінам”, – распавёў дырэктар імпрэзы Януш Гаўрылюк.
– У гэтым годзе мы перадусім сканцэнтраваліся на юбілеях. Юбілей BULBAMOVIE, таму што гэта ўжо 10 фестываль. Хаця мы пачалі не 10 гадоў таму, толькі 13. Проста ў нас быў тры гады перапынак. Наступная гадавіна – гэта 100-годдзе Быкава. Таму з гэтай нагоды пакажам фільм Сяргея Лазніцы «У тумане» паводле прозы Васіля Быкава. Сам Сяргей Лазніца прыедзе. Трэцяя гадавіна – гэта 30 гадоў улады Лукашэнкі.
Паказы стужак будуць адбывацца ў кінатэатры Iluzjon (Narbutta 50 A).
Пазнаёміцца з праграмай фестывалю можна на сайце імпрэзы: https://bulbamovie.wordpress.com/2024/10/16/program-%d0%bf%d1%80%d0%b0%d0%b3%d1%80%d0%b0%d0%bc%d0%b0-bulbamovie-2024/
Цалкам матэрыял:
Беларускае Радыё Рацыя
