Рэдактар беластоцкага перыёдыка Czasopis Юрка Хмялеўскі выдаў кнігу з інтрыгуючай назвай – «Вершалін 2.0».
Аўтар паведаміў, што ён доўгі час вывучаў шырока вядомую гісторыю пра прарока Ілью з Вершаліна, паводле яе Аляксей Карпюк нават напісаў раман «Вершалінскі рай».
Пасля азнаямлення з раней невядомымі сведчаннямі і ўспамінамі, Юрка Хмялеўскі вырашыў напісаць кнігу, каб аддзяліць факты ад міфаў.
Кажа аўтар кнігі:
– Для мяне важна, што гэтая кніга, а я гэтага не планаваў, выходзіць у 70-ую гадавіну выхаду першага нумару тыднёвіка «Ніва». Гэта «Ніва» першая апісала гэтую гісторыю, і пасля з яе іншыя скарысталіся. Уладзімір Паўлючук, які працаваў у «Ніве» журналістам, пісаў рэпартажы, якія затым выкарыстаў у сваёй кніге. Але там шмат пытанняў, на якія няма адказаў, шмат прабелаў.
Прэзентацыя кнігі адбудзецца 10 лютага ў Падляшскай бібліятэцы імя Лукаша Гурніцкага. Вядоўцай прэзентацыі будзе рэпарцёрка і аўтарка кніг Анэта Прымака-Онішк. Пачатак а 18-й гадзіне.
Цалкам матэрыял:
Беларускае Радыё Рацыя
