14 красавіка ў хабе «Новая Зямля» адбылася сустрэча «Ці можна злавіць аўдыторыю тэмамі пра культуру?».
Адным з выступоўцаў была вядоўца культурных і гістарычных праграм Кацярына Ваданосава. Кацярына падзялілася сваім бачаннем таго, хто глядач такіх культурніцкіх праграм:
-Гендэрная прыналежнасць не мае значэння. Узрост таксама. Мае значэнне толькі тое, наколькі ён атаясамлівае сябе з беларускай супольнасцю, з беларускай культурай і беларускай гісторыяй і нават больш. У мяне вялікая частка аўдыторыі, якая глядзіць тое, што я раблю, яны не беларусы. Яны палякі і ўкраінцы.
На думку Кацярыны Ваданосавай, гледачоў цікавіць найноўшая гісторыя:
-Тое, з чым чалавек можа звязаць сваё жыццё і жыццё бліжэйшых сваіх продкаў – бацькоў, дзядоў – гэта заходзіць у першую чаргу, канешне. Заходзіць тое, што чалавек разумее. Калі я ствараю той ці іншы прадукт, я імкнуся яго зрабіць максімальна простым.
Сустрэча сабрала журналістаў і актывістаў з Беластоку, якія цікавяцца гістарычнай і культурнай тэматыкай і тым як працаваць з такой тэмай ў розных сацыяльных сетках.
Цалкам матэрыял:
Беларускае Радыё Рацыя
