20-га лютага ў клубе Balance у Беластоку адбудзецца канцэрт беларускай спявачкі, акторкі і даследчыцы гісторыі Кацярыны Ваданосавай.
Пра тое, што можна будзе пачуць у Беластоку, распавядае Кацярына Ваданосава:
-Мы б хацелі адысці ад таго, што мы гралі цягам некалькіх гадоў менавіта ў Беластоку. Зараз нам вельмі захацелася засяродзіцца на тым рэпертуары, на тых песнях, якія я пісала да 2020 года. Штосьці пра гісторыю Беларусі. Я сама гісторык, мне гэтая тэма блізкая – гісторыя, можа быць легенды, паданні.
Кацярына падзялілася таксама сваім досведам напісання песень на чужыне:
-Насамрэч, вельмі складна. Я з таго шэрагу людзей, якім для таго, каб пісалася добра, патрэбны спрыяльныя ўмовы. Як гэта не дзіўна.
«Зімовы канцэрт» Кацярыны Ваданосавай у Беластоку распачнецца 20 лютага а 19-й гадзіне. Кошт квітка ўсяго 40 злотых.
Цалкам гутарка:
Беларускае Радыё Рацыя
