Музейны комплекс старадаўніх народных рамёстваў і тэхналогій “Дудуткі” запрашае пазнаёмiцца з традыцыйнымi беларускiмi абрадамi, прысвечанымi галоўнаму зiмоваму святу нашых продкаў «Калядамі».
6 студзеня ў Дудутках адбудзецца абрад калядавання ад фолк-гурта «GUDA», танцы ды спевы, гульні ды добры настрой.
“Каляды ў Дудутках – выдатная нагода ўсёй сям’ёй акунуцца ў незабыўную атмасферу свята ў тым выглядзе, у якім яго адзначалі нашыя продкі, дакрануцца да гісторыі, паспрабаваць традыцыйныя стравы і проста добра правесці час на свежым паветры ў асяроддзі цудоўных пейзажаў беларускай прыроды”, – пішуць арганізатары.
