У Кракаве 26 ліпеня адбудзецца беларускі пікнік пад назваю Letucień.
Фонд «Камунікат» прадставіць на фэсце свае новыя выданні. Пра тое, што гэта будуць за кнігі, кажа кіраўнік фонду «Камунікат» Яраслаў Іванюк:
-Будуць таксама і зусім-зусім новыя кнігі. Гэта дзіцячая кніга грузінскага паэта Васіла Гулеуры ў перакладзе Юрыя Несцярэнкі. Думаю, яна будзе карыстацца вялікім зацікаўленнем.
Апроч кнігаў кожнага чалавека, што набудзе кнігу ад фонда “Камунікат” на гэтым пікніку, чакае невялічкі сюрпрыз:
-Да кожнай купленай кнігі “Камунікат” дадае беларускую ўнікальную паштовую марку пачатку 90-х гадоў. Гэта адныя з першых, а можа першыя маркі, Незалежнай Рэспублікі Беларусь.
Таксама на Letucień Яраслаў Іванюк прывязе вышыванкі і нашыўкі ад беластоцкіх «Падпольшчыкаў».
Цалкам гутарка:
Беларускае Радыё Рацыя
