Канцэрт, прысвечаны памяці Аляксандра Кулінковіча, адбудзецца ў Варшаве. Песні вядомага рок-гурта Neuro Dubel заспяваюць Уладзімір і Зоя Сахончыкі (Зьмяя), Алесь Лютыч ( : B : N:), Дзяніс Тарасенка (РСП), Алесь-Францішак Мышкевіч (The Superbullz) і Аляксандр Памідораў.
Працягвае суарганізатарка імпрэзы Інэс Сянкевіч:
– Самая галоўная мэта таго, што мы робім, гэта нагадваць людзям, што быў, мне нават складана сказаць, што быў, ёсць такі чалавек як Аляксандр Міхайлавіч Кулінковіч. Я веру, што ён дзесьці ёсць, як мінімум у сэрцах людзей. І нагадаць, што ёсць песні гурта Neuro Dubel і што гэта спадчына, і гэта ўжо асобная частка гісторыі беларускай культуры і беларускага року.
Спецыяльны госць вечару — гітарыст гурта “Нейра Дзюбель” – Уладзімір Сахончык. Вядучая падзеі – Марына Савіцкая.
Імпрэза адбудзецца ў суботу, 18-га траўня, у клубе Beer Station Praga (ul. Ząbkowska 5).
Цалкам матэрыял слухайце ў далучаным файле:
Беларускае Радыё Рацыя
