Штогод у калядны перыяд Беларускае грамадска-культурнае таварыства ў Беластоку ладзіць агляд калядных калектываў. У сёлетнім, 26-тым па ліку аглядзе возмуць удзел 19 выканаўцаў. Пераважная большасць з іх удзельнічае ў такіх канцэртах на працягу многіх гадоў, але ёсць і дэбютанты – хор праваслаўнага брацтва імя Кірылы і Мяфодзія з Бельска Падляшскага і царкоўны хор з Каралёвага Маста.
Калядкі можна будзе пачуць розныя. Бо старэйшае пакаленне спявае традыцыйныя падляшскія, а моладзь часцей выбірае сучаныя калядныя песні, новыя аранжыроўкі і літаратурную беларускую мову. Кажа старшыня БГТК Васіль Сегень:
– Для нас важна, каб масава, усе хто адчувае ў сваім сэрцы такое жаданне, спявалі і захоўвалі гэтую традыцыю калядавання. Не абмяжоўваем ні жанрава, ні ўзростава, ні таксама па мове выканання, паколькі здараюцца такія калядкі, якія гучаць бліжэй да украінскай мовы. Ці напрыклад традыцыйныя, якія спяваліся і спяваюцца на старацаркоўнай з гэтымі зменамі, якія ўносяць гаворкі, якія існуюць на Падляшшы.
Паслухаць праваслаўныя калядкі можна будзе заўтра 12 студзеня у Беластоку, у пачатковай школе № 44 па вуліцы Румянковай 13. Пачатак канцэрта ў 15.00.
Беларускае Радыё Рацыя
