Трэцяя пастаноўка цыкла канцэртаў-спектакляў “Твой геній”, прысвечана аднаму з самых выдатных беларускіх мастакоў – Язэпу Драздовічу. 18-га лютага капэла “Санорус” запрашае на касмічны перфоманс “Нябесныя бегі Язэпа Драздовіча”, які адбудзецца ў КЗ “Менск.
Удзельнікаў імпрэзы чакае ўзнёслая музычна-драматычная фантазія на тэму жыцця, імкненняў і адкрыццяў беларускага генія.
Дзённікі, лісты і фрагменты з апісанняў мастаком іншапланетнага жыцця ажывуць і пераплятуцца з самабытнай беларускай і медытатыўна-касмічнай музыкай у выкананні хору і інструментальнага ансамбля капэлы.
А праекцыі карцін Драздовіча дазволяць адчуць сябе на месцы вандроўцы па далёкіх сусветах і перажыць гісторыю яго жыцця разам з ім.
Квіткі коштам ад 25 рублёў па спасылцы.
