Сто гадоў таму ў Коўне пачаў выходзіць часопіс “Крывіч”, які выдавала невялічкая група энтузіястаў на чале з Вацлавам Ластоўскім.
Рэдакцыя паставіла перад сабой даволі амбітную мэту – сфармуляваць альтэрнатыўную беларускую ідэнтычнасць, якая б была не толькі зразумелай кожнаму, але яшчэ і прывабнай.
Ці атрымалася?
Феномену “Крывіча” і ягоным аўтарам будзе прысвечана лекцыя Кастуся Касяка, якая адбудзецца 17-га красавіка ў беластоцкай галерэі імя Сляндзінскіх.
На лекцыі абмяркуем:
– Хто менавіта займаўся выданнем Крывіча?
– Якія ідэі прысутнічалі на старонках часопіса?
– Чаму менавіта крывічы і Крывія?
– Ці праўда аўтары хацелі адмовіцца ад беларушчыны?
– Якую спадчыну пакінулі па сабе Власт і каманда?
Лекцыя адбудзецца ў мастацкай галерэі імя Сляндзінскіх – заахвочваем прыходзіць раней і звярнуць увагу на экспазіцыю.
Дата: 17 красавіка
Час: 18:30
Месца: Galeria im. Sleńdzińskich (Rynek Kościuszki 4), Беласток
Уваход вольны.
