Беларускі рэгі-музыка, удзельнік гурта Botanic Project Клім Малажавы ладзіць у Варшаве канцэрты на тэрасе клубу Scena Chmielna. «Такія выступы вельмі нагадваюць вулічныя, а тут у мяне – шмат досведу», – распавёў артыст нашаму радыё:
— Было файна. Ішла вялікая кампанія афраамерыканцаў, і мы якраз гралі нейкае рэгі, і здаецца, Sting – Englishman in New York. І яны спыніліся і пачалі спяваць, біць у ладкі, і праз іх зберлася сотня людзей, гэта было вельмі эфектна. Я нават кінуў іграць, пачаў здымаць.
У суботу, 18-га траўня, Клім Малажавы таксама выступіць на тэрасе ў Варшаве.
Уваход вольны, данаты вітаюцца.
Марына Савіцкая, Беларускае Радыё Рацыя
