Беларускі рэгі-музыка Клім Малажавы, вядомы па гурце Botanic Project, выступіць у Варшаве.

Імпрэза адбудзецца 14-га верасня ў клубе Scena Chmielna. “Гэта будзе вечар, напоўнены пазітывам і светлай энергетыкай”, — распавядае артыст.
— Вядома ж, прагучаць знаёмыя ўсім хіты батанікаў. Не абыдзецца і без эксклюзіўных пераспеваў. Хачу зрабіць акцэнт на рэгі гэтым разам. І паўспамінаць расейскамоўнае рэгі 80-х, 90-х гадоў. Хто можа ўжо крыху падзабыў, узгадаюць гурты, якія ўжо не існуюць. Хачу зрабіць гэты вечар больш цёплым, атмасферным, лампавым, акустычным.
Цалкам слухайце ў далучаным гукавым файле:
Уваход на падзею вольны, але данат у падтрымку музыкі вітаецца.
Пачатак канцэрту ў 20:00.
Марына Савіцкая, Беларускае Радыё Рацыя






