Гэтага беластоцкага мастака добра ведаюць у творчых асяродках усёй Польшчы. Кшыштафа Конічка называюць галоўным прадстаўніком мастацкага Падляшша.
З нагоды 70-годдзя мастака ў Ксенжніцы Падляшскай адбылася выстава. 2 верасня тут прайшоў фінісаж.
Кажа Кшыштаф Конічак:
– Гэта такая рэтраспектыўная выстава, лёгкі агляд маёй творчай дзейнасці. Наступная мая выстава, дзе будуць і мае найноўшыя карціны, адбудзецца ў беластоцкім музеі ў студзені. Гэты мой стыль адпавядае майму характару, досыць імпульсіўнаму. Я калісьці меў крыху іншыя творы, іх тут на выставе акурат няма, гэта адпавядала свайму часу, трэба было пратэставаць, трэба было змагацца.
Кшыштаф Конічэк нарадзіўся ў 1955 годзе ў Алецку. Але з 15-ці гадоў жыве ў Беластоку. Скончыў Дзяржаўную вышэйшую школу прыгожых мастацтваў у Познані. Ён аўтар болей 70 персанальных выставаў. Яго працы знаходзяцца ў калекцыях: Падляшскага музея, Ваеннага музея ў Беластоку, Беластоцкага ўніверсітэта, Падляшскай бібліятэкі і ў шматлікіх прыватных калекцыях па ўсім свеце.
Цалкам матэрыял:
Беларускае Радыё Рацыя
