У сераду, 26 чэрвеня, у Цэнтры беларускай культуры і супольнасці адбудзецца лекцыя «Нонканформнасць у Менску часоў „адлігі“: Кім Хадзееў, Эдуард Гарачы і іх кампанія».
Дата: 26 чэрвеня. Час: 18.00 (час мясцовы). Месца: Цэнтр беларускай культуры і супольнасці, Vilniaus, 20, Вільня.
Дакладчык — Уладзімір Валодзін (Еўрапейскі ўніверсітэцкі інстытут, Фларэнцыя).
25 студзеня 1962 года КДБ затрымаў восем менскіх маладзёнаў. Двое з іх, Кім Хадзееў і Эдуард Гарачы, былі затым арыштаваныя і абвінавачаныя ў «антысавецкай агітацыі і прапагандзе».
Віна групы была ў тым, што яны чыталі прывезены з Масквы самвыдат — мастацкія творы пісьменніка-авангардыста Паўла Уліціна.
Спадар Уладзімір распавядзе пра групу Хадзеева, а на яе прыкладзе — пра некаторыя асаблівасці «адлігі» у Беларусі.
Як выглядаў самвыдат пачатку 1960-х?
Якімі былі гендэрныя дачыненні ў нонканфармісцкіх супольнасцях БССР 60-х гадоў?
Які арсенал захадаў ужывалі ўлады для стрымання нонканформнай моладзі?
Ладны час будзе адведзены на пытанні і дыскусію.
Уваход вольны.
Арганізатары
