26 лютага ў Хрысціянскім сацыяльным цэнтры адбудзецца імпрэза да 90-годдзя з дня нараджэння Рыгора Барадуліна.
“Падчас літаратурна-музычнага вечару, прысвечанага памяці геніяльнага творцы і выбітнага сына беларускай зямлі, у Хрысціянскім сацыяльным цэнтры з вамі будуць людзі, якія падарожнічалі разам з народным паэтам, складалі і спявалі песні на ягоныя вершы, выдавалі ягоныя кнігі.
Сярод удзельнікаў, што ўжо пацвердзілі свой удзел: Алесь Камоцкі, Аляксандр Віслаўскі, Алеся Сівохіна, Алесь Квіткевіч. Прыходзьце і Вы!”, – запрашаюць арганізатары імпрэзы.
Кожны, хто прачытае ўлюбёныя радкі з твору беларускага класіка — атрымае ў падарунак кнігу паэзіі Рыгора Барадуліна.
