У Нараўчанскай гміне на аграсядзібе «Бора-здруй» 17 снежня распачаўся літаратурны семінар «Бязмежжа». У ім бяруць удзел пісьменнікі, журналісты і іншыя творчыя асобы, якія звязалі свой лёс з беларускай культурай.
У першы дзень, сярод іншых выступоўцаў, з дзейнасцю бібліятэкі і выдавецтва Кamunikat.org пазнаёміў Яраслаў Іванюк. Адзначыў ён і ўнікальнасць самога семінару «Бязмежжа».
-“Бязмежжа” – гэта, па-першае, магчымасць сустрэцца, як праз доўгія гады было літаратарам, дзеячам культуры з Падляшша, з Беласточчыны і з самой Беларусі, з метраполіі. Гэта была непаўторная магчымасць фактычна ў тыя часы, калі гэты семінар пачынаўся, і доўгі час гэта атрымлівалася. Цяпер гэта крыху выглядае па-другому.
Адметнасцю сёлетнага «Бязмежжа» стала тое, што на семінар не змаглі прыехаць пісьменнікі з самой Беларусі. Сённяшні дзень абяцае быць найбольш плённым. Са сваімі новымі кнігамі будуць знаёміць Уладзімір Някляеў, Уладзімір Арлоў і Алесь Аркуш. Літаратуразнаўца Сяргей Кавалёў раскажа пра беларускае літаратурнае жыццё ў Любліне, а літаратурны крытык Ціхан Чарнякевіч – пра беларускія літаратурныя падзеі ў Вільні.
Цалкам матэрыял:
Беларускае Радыё Рацыя
