Абвешчаны кароткі спіс штогадовай Прэміі «Парушэнне спакою» адважнаму пісьменніку ў небяспецы, якую арганізуе Цэнтр Вацлава Гавэла.
Прэмія адзначае аўтараў выбітных твораў мастацкай літаратуры, літаратурнай публіцыстыкі, біяграфій, мемуараў, драматургіі або паэзіі, якія праяўляюць мужнасць у інакадумстве і зазналі несправядлівы пераслед за сваю адкрытую абарону дэмакратыі і правоў чалавека.
У 2021 годзе гэтую прэмію атрымаў беларускі паэт Дзмітры Строцаў.
Максім Знак – адвакат, навуковец, пісьменнік, палітзняволены, які адбывае 10-гадовы тэрмін у калоніі ўзмоцненага рэжыму па беспадстаўных абвінавачаннях.
Пераклад кнігі Максіма Знака «Зэкамерон» на ангельскую мову зрабіў прафесар Лонданскага ўніверсітэту, даследчык беларускай гісторыі і літаратуры Джым Дынглі.
